【新增動新聞】
阿仙奴喺歐霸盃分組賽以3:1反勝德甲嘅科隆後，領隊雲格喺賽後狂讚前鋒阿歷斯山齊士。

呢球係阿歷斯山齊士今季嘅第一個入波，雖然呢位智利國腳今個夏天好想離隊，但雲格仍然大讚佢：「阿歷斯山齊士喺下半場踢得生好多，佢仲未去到最好嘅狀態，但係山神就係山神，佢始終係好波嘅。下半場我改踢四後衛，哥拉辛拿斯好多時上波助攻，咁都逼到阿歷斯山齊士踢前啲，上半場佢踢得太後喇。當山神得到哥拉辛拿斯嘅支援，佢就變得更加危險。」