香港有今日:60年代上海舖係名店

蘋果日報 2007/02/19 00:00


喺60年代,去上海舖剪剪髮、剃剃鬚,可以話係中產階級同達官貴人嘅身份象徵,嗰時物價低,報紙都只係賣一毫子一份,但去上海舖單剪就要個幾銀錢,做全套(即剪髮、剃鬚同敷熱毛巾)最貴仲要成幾蚊雞㖭。不過咁都未算威,1960年嘅今日,上海理髮業諗住加價,竟然係需要勞資雙方約埋一齊開會商討,好鬼認真,開完會之後,佢哋打算加價兩毫至四毫嘅詳細方案仲登埋喺新聞㖭!咁又難怪嘅,上海舖加價好多達官貴人留意㗎嘛。今時今日,上海舖越來越少,做全套都只不過100蚊有找,比起好多大salon收幾百至成千蚊,上海舖已經變咗最廉價嘅理髮服務之一。