何家淑女何超盈，最近同林建岳女兒林愛兒過從甚密傳起斷背緋聞，近日更改名做「何朗禎」(HoLongJing)，更率先喺Facebook改名。

超盈話有感最近感情方面唔係太如意，希望改名轉運，就搵個高人同佢改名，但身份證就唔會改，只係喺社交圈子裡面用，而且賭王父親對改名都肯首，總之身份證冇改就得o勒。而佢媽媽四太就冇乜意見，超盈自己就話鐘意「朗」字，代表佢性格開朗。

超盈今日都喺微博話:「之前聽朋友講話改名會轉運，現在改了，大家好！ID不會改了但朋友們請稱呼我是何朗禎，如果大家喜歡可以叫我朗朗，可以給我帶來好運的！謝謝你們！真的好像現在開心多了又胃口好多了啊」