當年今日
關於我們

隔牆有耳:
星閃閃 葉劉捧查太talk騷 - 李八方

蘋果日報 2013/07/05 05:20

隔牆有耳

香港大學係名人搖籃,唔少政商界猛人都係港大出品,所以上周六晚舉行嘅香港大學畢業同學會第37屆周年晚會就星光熠熠,前醫管局主席及前行會成員梁智鴻、前行會成員王䓪鳴、現任行會成員兼新民黨主席葉劉淑儀、信報財經月刊總編輯文灼非等都有出席。
據知當日呢班猛人閒話家常之時,難免都緬懷一下讀書時嘅那些年,唔少人專登為當晚嘅演講嘉賓而出席,諗住聽君一席話、勝讀十年書,邊個咁巴閉?就係金融發展局主席兼行會成員查史美倫嘞。當日查太嘅演講題目係佢強項:香港金融業的未來,怪唔得葉劉話好多人聽到津津有味,覺得當晚又食又拎滿載而歸。