英國萬人迷碧咸（DavidBeckham）受歡迎就唔使講，其實佢嘅大仔Brooklyn都有好多粉絲，平時父子出街嗰陣，碧咸話通常係阿仔俾人索合照多啲。
Brooklyn自從同「紫天椒」嘉兒莫蕊茲（ChloeMoretz）拍拖後，似乎同好多情侶一樣，對自己嘅身材要求低咗。Brooklyn今日喺instagram上載咗張對鏡自拍嘅赤膊照，之前有嘅手瓜、腹肌、胸肌通通都縮晒水！
唔知係咪Brooklyn都留意到自己大不如前，所以立即刪除照片，費事獻醜。睇嚟呢對小情侶拍拖活動要包括埋做運動。因為嘉兒早前亦都肥到撐爆衫。