先施錶行(444,下稱先施)嚟緊星期三會公佈半年度業績,業績只要好轉,又有得諗。先施2010年半年度(9月底止)業績見紅近2800萬元,但到今年3月底嘅全年度,已經扭轉弱勢,兼輕微獲利187萬元,上、下半年度比較,下半年業績好明顯回復增長動力。仲要咁睇,先施係名牌FranckMuller手錶、配飾嘅香港、澳門及祖國獨家分銷商。呢期香港股樓兩旺,多咗批大豪客,再加埋祖國本身班超級富豪,照計,繼續支持集團業績改善。再講,先施市值得3.9億元,全年度純利係咁易維持番往年4000萬元水平,預期PE已經可以落番9倍單位數。
呢轉一於睇實張中期成績表,半年度業績有改善,可以冷吼,以現價0.96元計,博先施翻半番到1.44元,2011年度預期PE都係得13倍。