林曉峰（阿Lo）前晚在將軍澳廣播城錄影節目《遊戲天王》，近日其兩位好友鄭伊健和錢嘉樂分別有新聞，前者被發現跟蒙嘉慧譜出戀曲，嘉樂就傳跟拍拖八年的李珊珊分手。

嘉樂以淚洗面

阿Lo暗示伊健確是跟蒙嘉慧拍拖，他說：「睇完報紙打電話畀伊健，我話影到你哋，不過兩個就平排行，佢就答我：『係啦，俾人影咗，我睇報紙，都係平排行。』咁我咪再問佢話：『吓？乜仲有其他嘢㗎？」佢就冇答我。我都有問佢點解揸蒙嘉慧架車，佢就話自己架車又大架又揚，所以咪揸佢架Benz跑車囉。」他又謂伊健近日嘴角含春，加上男未婚女未嫁，外界又接受他們，所以都替好友開心。
至於錢嘉樂被指跟李珊珊分手，阿Lo說：「佢send咗sms畀我，話自己終日以淚洗面，同埋唔知邊個幫佢傳分手，不過我打畀佢時，佢冇提到，可能佢係武打明星，要有硬漢image，不過我睇完啲報道都覺得係，但兩個人嘅感情，我哋唔可以加意見。」
採訪：卓美娟　攝影：陳順禎