翁嘉穗今晚到灣仔出席香港芭蕾舞團披頭四優先睇慈善晚宴，佢話大仔Jason確診患上乙型流感，正在家中隔離，翁嘉穗話：「打流感針真係好緊要，我哋全家o依家打晒，大仔發燒係37點幾度，佢冇返學，喺屋企間房休息，佢唔係好辛苦，冇送佢入院，我哋入佢房會戴口罩。」翁嘉穗話今年流感好犀利，所以大仔唔可以出街，要多休息，暫時都停止練習舉重，佢話可能之前操練太辛苦捱病，兩個月病咗幾次。

另外，同場嘅張天愛透露囡囡邢嘉倩即將生B，佢期待升呢做外婆，但卻不肯談論太多囡囡情況，因為女兒想低調，佢話會買嘢畀乖孫，但囡囡又想自己挑選。。

精選娛聞，喺晒《娛果》
http://fb.com/appledailyent