沈集成馬房由2018贏到2019年，旺勢持續！繼上周六（12月29日）頭場於泥地一哩勝出「銀照收」後，沈廐今日（1日）在第七場三班田草1200米以田泰安座騎「競駿天驕」再下一城，累積跨年連勝兩次賽事。

「競駿天驕」今場大熱掄元，在前列騎師田泰安胯下沿途守四、五位，直路殺上贏0.5馬位，打開馬兒在港勝門，單Win及組合獨贏A1分別派35.5及20元。

五歲英國自購馬「競駿天驕」由競駿會有限公司持有，本身上季起在港上陣，曾先後兩度跑第三及兩度跑第四，一直未能取勝。這次再配田泰安，末段從外疊以勁勢後發先至，從而錄得本身在港首捷。

每次競駿會有馬出賽，都有女model扮成競駿baby及吉祥物馬公仔現身打氣，今日亦唔例外，但「競駿天驕」贏馬後，由於馬公仔唔可以影頭馬相，所以只可站在凱旋門旁邊，有點寂寞。

經此一役，沈集成季內達至22Win，仍居練馬師榜第四位，至於田泰安重響勝鼓後，頭馬升到37場，仍守騎師榜第二位，向領頭羊潘頓追得一場得一場。

第七場二至四名順序是「團結精神」、「英勇大師」及「傳奇」。