與太太以月租一千四百元居於藍屋三樓逾四年的蘇良，昨日才剛獲悉有關發展計劃。他無奈地說：「我個女住喺附近，我又要去東區醫院覆診。呢度交通方便，租金又平，當然係唔捨得啦，但都無辦法！」
現年七十六歲的他稱，原有四伙人居於該樓層，但現在只剩他一伙。雖然該單位只有一個廚房兼廁所，設備簡陋及殘破，但他說：「呢度無漏水，又無老鼠，打風都無問題，唔知幾好。」他希望當局可安排其入住港島區公屋單位，以便女兒可照顧他夫婦倆。
另一獨居於藍屋十多年的鄧廣根表示，尚未接獲搬遷通知。他說：「如果真係要搬都無乜所謂，但最緊要係可以安排到住番香港呢邊嘅公屋。」他又說：「呢個單位無廁所，以前要靠倒夜香，但十年前已經無人咁做，要改去附近嘅公廁解決，不過都好方便。」