謝天華遭扑頭扯火離場

蘋果日報 2002/05/29 00:00


無綫劇集《皆大歡喜》由下周一起將提前十分鐘播映,昨日劇中一眾演員包括謝天華、廖碧兒、劉丹及薛家燕等,在電視城為劇集宣傳,玩完一輪遊戲後,謝天華成為輸家,要接受懲罰。

「要睇醫生」
劉丹一時興起,將手上的蠟樽扑向謝天華頭部,其他演員有樣學樣,謝天華即時不忿地說:「返嚟做宣傳都俾人扑!」其後謝天華提早離開,沒有與其他藝員一起用膳,又以頭暈為理由請假。
薛家燕透過電話向謝天華了解情況,他仍怒氣未消,對薛家燕說:「我唔係嬲,只係唔知發生乜嘢事啫,拍戲都要度位啦,𠵱家佢扑親我舊患,要去睇醫生。」而劉丹則說:「我以前拍戲都俾呢啲樽扑幾十次啦,咪又係咁。」
採訪、攝影:卓寶花