2013年阿信屋生意如日方中，短短三年分店159間。那一年彭啟明（John）23歲，大學畢業一年，有感網購是未來大趨勢 ，年少氣盛的他想創業。阿信屋掀起零食潮，加上家人開士多，做生不如做熟，同年他偕朋友創立零食網店「零食大王」，初嘗做老闆滋味的他，不時在阿信屋身上「偷師」。

「好擔心架嗰時，但又咁講，嗰時係想食住個勢，以前賣零食唔會咁爆」，759阿信屋攻入零食界，令大眾對零食價格變得敏感，大型連鎖定價潛規則成為社會議題。雖然大家都賣零食，但網店和實體店經營方法始終不同、客路不一，John無懼競爭。

創業之初 ，John曾聽過阿信屋老闆林偉駿分享入貨策略。他憶述：「例如佢會保留頭100款最暢銷貨品，其他篩走」，聽前輩分享前，公司傾向訂購一整個系列，但往往最暢銷的只有三兩款，其他滯銷，「佢講完都inspire（啟發）咗我哋，係喎，唔可以咁膚淺諗住成個系列都好賣架喎」，公司其後學會淘汰不太受市場歡迎的產品。

當然，也有些不應學的地方，例如薄利多銷。「我哋唔敢學」，John想了一想，更正說：「應該話，想學都學唔嚟」，兩者生意規模始終不一。而且，新人進場，少不免要「交學費」，John說：「頭一兩次點都要畀人搵下笨」，批發商曾試過開出相當於阿信屋零售價的批發價予公司，後來學精了，拿著阿信屋的零售價跟人洽商，「喂，人哋零售價賣呢個價錢，你批呢個價可唔可以再低啲呀？」，當然，老行家跟批發商關係特別好，來貨價自然特別低，「咁我哋就會避，冇必要硬撼硬」。

John也會落街睇舖，包括阿信屋。「佢嘅擺位呀、香港客攞起啲咩會特別爽手呀、門口堆咩貨多呀、點樣定價呀...」，從中他領略到一個道理，「有啲貨係一定唔賺錢，或者係賺好少，去引一班客返嚟，等客記得你」，老一輩常說，做生意不要光想賺錢，「我以前唔信，原來係真」。

阿信屋的「日本直送」，無形間推動零售商如四洲集團、惠康、百佳等，在過去穩打穩紮的營商環境中求變，「再淨係賣呢啲賣咗幾十年嘅零食，好似唔會再引起客人嘅關注架喎，佢哋（其他行家）宜家都會肯去入貨」， John說，甚至有超市便利店特意劃位設置特色零食專區，零食市場一時間再度熱鬧起來。

零食大王現時也有引入日本、韓國、泰國直送的零食，為降低運貨成本，他打算逐步拓展批發生意。John直言，阿信屋影響了日本零食批發商甚至廠家對香港零食市場的看法，間接便利後來居上的香港買家。「唔係講緊幾百萬，唔係講緊幾千萬，係億億聲架喎（生意額）！有一間公司證明到畀你睇，原來香港零食係有得做」，由不再發掘新客，到日本批發商慢慢接觸更多香港客戶，阿信屋算是一隻開荒牛，為後來者打開水路。

記者：邱曉欣
攝影：鄒潔珊

全球樓行 Dream House零距離
https://hk.feature.appledaily.com/overseasproperty