之前由丁海寅同埋孫藝珍主演嘅韓劇《經常請吃飯的漂亮姐姐》播畢後，劇迷現時就轉追由朴敘俊同埋朴敏英合作嘅tvN新劇《金秘書為何那樣》，《金秘書》現時喺韓國熱播中，仲帶挈兩位演員人氣急升。

事實上《金秘書》係改編自韓國人氣網絡漫畫，漫畫現時仲未完結，現時《金秘書》只播出四集，但劇情都跟到漫畫十足，好多場面造型都好似，不過有睇開原裝版漫畫嘅網民，除了大讚朴敍俊同朴敏英嘅造型似足漫畫版外，亦好奇到底劇集版會唔會同漫畫一樣大演床戲。

事關漫畫版劇情已交代到男女主角已係戀人關係，當中兩人更有床上戲，並發生關係，亦有女主角沖涼嘅場面，而對白亦都好露骨，男主角同女主角做愛後就說：「看到你脫光後嘅身體，我魂都丟了」。網民都留言話要召喚編劇，希望編劇要跟足漫畫嘅劇情，讓朴敍俊同朴敏英喺劇中大演床戲。不過以韓國嘅電視尺度來講，睇怕劇迷都冇乜機會睇到

更多韓流，喺晒《娛果》
http://fb.com/appledailyent