蔡依林(Jolin)噚晚去澳門出席「第17屆全球華語榜中榜音樂大典」，有傳佢舊年勁賺1.5億人民幣，更買過百萬嘅新車，佢就自言買車係上年嘅事，數字亦係媒體誇張。

至於噚晚同緋聞男友羅志祥以及緋聞情敵楊丞琳同場，佢就強調唔會尷尬，雖然大家私下少聯絡，但工作上亦會見到面。而同場嘅韓庚對於自己粉絲同田亮嘅粉絲因內地跳水節目而喺網上掀鬧戰，佢就說：「對方是真正的跳水員，我只是半途出家，參加比賽都是挑戰自己。」