【臨危受命救《開心鬼》】《陰陽錯》倪淑君辭演羅明珠凌晨試鏡
蘋果心臟病香港李克勤尖東羅明珠李麗珍即時娛樂王書麒猝逝倪淑君珠女一炮而紅開心少女運動衣林姍姍開心鬼《開心鬼》跑步戲蕩漾北潭涌度假營
由於倪淑君沒有檔期拍《開心鬼》,高志森十萬火急搵人做女主角,機緣巧合認識了羅明珠,一拍即合。
高志森自言:「佢直情好okay,首先佢唔怕醜,又多嘢講仲多嘢講過我,見面嗰分幾鐘有佢講冇我講。樣生得好,條件又好好,最緊要唔怕醜,嗰個年代好難得。」
高志森首次執導的電影《開心鬼》,當年找到林姍姍、李麗珍和羅明珠擔正演出,今早高志森接受《蘋果》電話訪問,他表示今早知道時感到好突然,他覺得任何英年早逝的人,都是好可惜的。
談到當年與羅明珠的合作,高志森直言當時她的入行是臨危受命:「嗰時開拍《開心鬼》我喺新藝地第一部電影,諗住4月拍6月中上,第一女主角喺拍完《陰陽錯》之後大紅嘅倪淑君(台灣女星),第二女主角喺李麗珍。嗰時套戲開咗一日工,我見到倪淑君心事重重,佢同我講唔可以再拍我套戲,話因為要幫陳勳奇套新戲開工,冇期。」
第一女主角臨時辭演,電影只有個多月要上畫,高志森自言當時發了茅,四處找人頂上:「嗰時新藝城有位員工Winnie,話有個姪女好醒目,問我有冇興趣見佢。我好記得嗰日係即晚凌晨見羅明珠,佢係臨危受命。」
高志森最初心想,只要casting的人四四正正就夠,想不到是遠高於他要求,他說:「直情好okay,首先佢唔怕醜,又多嘢講仲多嘢講過我,見面嗰分幾鐘有佢講冇我講。樣生得好,條件又好好,最緊要唔怕醜,嗰個年代好難得。」結果入行簽約時只有15歲半的羅明珠後一炮而紅,高志森相信成功的地方是因為戲中人的性格跟羅明珠一樣。
談到拍攝時的難忘事,高志森表示是一幕羅明珠在尖東海濱公園的一場跑步戲,事後在試片室看試播時,在場的羅明珠不停發嬌嗲罵高志森:「你好衰㗎、你好衰㗎!」原來當日羅明珠穿了緊身的的運動衣,拍跑步戲時感覺很蕩漾,高志森笑說:「我哋冇隔夜仇。」
高志森又回想在北潭涌度假營宿營拍攝時,每晚都會到杜麗莎間房傾偈:「戲入面佢做校長,仲有李麗珍同林珊珊,嗰時我就預言過林珊珊好鍾意拍拖、李麗珍好多人追、羅明珠就最快嫁,當然都係吹水。」
之後高志森跳糟德寶電影公司,只帶走了珍妹及羅美薇,沒有帶羅明珠是覺得當時她經歷未夠,他說:「之後30年都係同佢擦身而過,幾次都係機場見到佢。都係Hi、Bye。」