大陸女星范冰冰近來因「陰陽合約」捲入逃稅風波，至今一直芳蹤杳然，聽講馮小剛都俾稅局調查，而佢呢段時間就喺香港或日本，甚少返北京，同時佢又大陸傳媒發現，佢同華誼兄弟合資開嘅「霍爾果斯美拉文化傳媒公司」已申請註銷，呢間公司背後最終受益人係馮小剛、王中軍同馬雲，已經成立咗清算組去處理稅務，其實馮小剛另外兩間由佢擔任法定代理人嘅公司，已經喺7月時就註銷咗。

除咗馮小剛之外，趙薇、劉詩詩、黃曉明、徐崢、章子怡、趙文卓等明星也申請緊註銷或者退出名下公司，嚟緊陸續有明星想執咗工作室，免得又俾人查稅惹禍上身。大陸整個影視行業面臨稅務新政，以後要交42%稅（新聞連結： https://bit.ly/2M2yRfY ），喺霍爾果斯開嘅公司已經冇稅務優惠，再唔係避稅天堂，有公司變成係害事，所以大家都陸續注銷公司。

不過稅局都唔蠢，如果唔搞清所有公司稅務，執咗公司都冇用，一樣會照追討。之不過o依家大陸嘅幕後工作人員同演員都唔肯改以稅前接戲，依然要求稅後，咁影視公司老闆當然唔答應，由於雙方都唔讓步，當然開唔成戲，結果所有準備開嘅劇同電影都擱置咗，連彭浩翔嘅《鹿鼎記》，投資嘅新麗傳媒都話要再等等。

精選娛聞，喺晒《娛果》
http://fb.com/appledailyent