大家成日搭地鐵，睇到車站內各種不同海報，其中不乏令人眼前一亮，甚至停步觀看的佳作，負責地鐵廣告代理的德高貝登就搞咗個地鐵廣告創意大獎，表揚吓呢類佳作。
德高貝登行政總裁祈道富同八方講，有創意廣告最緊要簡單，唔複雜，令人一睇就明，八方睇番得獎作品，又真係合乎佢要求，好似金獎個Nike廣告，就用一班唔同身形，着住運動衫的女性，去表達女性身體唔應該有一個標準，只要鍾意運動就得，創作人阿Jim話佢創作前同唔少女性傾偈攞靈感。


E-mail：[email protected]