【add名人時尚】江碧蕙斬纜醫療生意 和拍擋割席 「有人講大話! 」
蘋果日報 2020/06/07 19:15
add江碧蕙add名人時尚
香港第一個華人女騎師江碧蕙 (Sherie)，四年前離婚後從法國回流返港，嫁了法籍老公、前運動員Jerome，在香港重新開展新生活，出任騎術教練私人教騎馬，又簽經理人做KOL 拍片講煮餸等，動作多多。
江碧蕙去年和老公及生意拍擋合作，在中環開設醫療中心，主打引入據稱NASA(太空總署) 用作檢測太空人血壓的無創傷心血管檢測，十分鐘test可得出結果，輔助醫生診症。她為生意碌盡人情卡，不少明星名人如：李克勤和太太盧淑儀、梁漢文夫婦、陳敏之、方力申都捧場上門做檢測；她又贊助香港運動員及和慈善機構合作，為長者做測試等，開拓知名度。
不過，她昨日突然在網上平台，貼出聲明和醫療中心及另一間公司割席，「這兩家公司所有的業務已經完全和我無任何關係。這兩家公司，都不能使用我個人和我朋友的相片或名聲引致利益的任何用途。」江碧蕙接受《蘋果 》電話訪問，承認已和對方完全割席，「詳情、金額嗰啲我唔多講，總之我發現咗一啲好唔公平嘅事，一啲我同老公都唔agree嘅deal。咁合作做生意，拍擋之間最緊要講誠信，呃呃騙騙呢樣嘢真係接受唔到。我寧願蝕錢，都不想再拖泥帶水，好似我當年離婚咁，我一個人拎個喼就走，唔會拖。」她指最初為自己生意，花盡心血，幸好身邊朋友對她決定都好支持，「我係一個小人物，出公告係要保護返我身邊嘅圈中朋友。今次件事令我上咗一課，就係學識咗要帶眼識人。」但她坦言會向前望，從失敗中學習。
Sherie早前在fb已自爆受騙，大鬧有人講大話，指自己深深受傷，但在疫情中保住條命已很重要，錢財身外物。「無論今天，這個是老狐狸？還是大話精？都不再重要了，現在發現，他沒有誠信，沒有信用。我雖然受傷，但是總好過死亡...這次的經歷令我變得，更強更勇...我不怕失敗，只怕失去了你們。」
採訪：林妃
江碧蕙友人合作搞醫療中心，其後圈中不少明星捧場，如梁漢文和老婆。
李克勤及太太盧淑儀。
方力申以運動員身份支持兼做test。
昨日網上平台出聲明，和生意拍檔割席。
江碧蕙現時亦做騎術教練，私人教騎馬。
去年簽約經理人公司，忙於拍煮食片做KOL.
江碧蕙和前夫李格力育有一對兒子，兩個囝囝和現任老公Jerome都感情好好。
江碧蕙是本港第一個華人女騎師，其後嫁到法國。