第31隊世盃決賽周球隊現身！周三世盃外圍賽跨洲份附加賽，澳洲靠住對方烏龍球以及積甸拿克連入兩個12碼，次回合主場以3:1戰勝洪都拉斯，兩回合計以3:1擊敗對手，連續四屆晉級世界盃決賽周。

澳洲首回合作客洪都拉斯草地欠佳的主場，未能發揮，只能0:0悶和洪都拉斯。次回合回到自己主場，不容有失，擺出主攻陣。上場受傷只做席上客的卡希爾，今場正選上陣，同時湯洛積和馬菲歷基亦任正選，米利根停賽後復出。

上半場澳洲雖然相當積極，但未能打破僵局。13分鐘，阿倫穆爾左路開出罰球，球彈地後襲向龍門，幸好洪軍門將杜尼斯艾斯高巴立即撲出，而卡希爾在禁區亦未能成功起腳。36分鐘，卡希爾在左路角球位置短傳予比希治，後者低球傳予禁區的湯洛積射門，但又讓艾斯高巴接到。而洪軍則未能組織有效攻勢，雙方上半場0:0悶和。

下半場積甸拿克挺身而出，改變戰局。他在53分鐘主射罰球，省中洪軍的亨利費古羅亞，改變方向入網，官方把這球當作亨利費古羅亞的烏龍球。然後70分鐘，洪軍的拜恩亞哥斯達在禁區犯手球輸12碼，積甸拿克操刀射入。85分鐘，洪軍因謝利柏拉斯奧斯在禁區犯規再輸12碼，積甸拿克再次主射入網。補時94分鐘，洪軍獲得角球，美羅費古羅亞在混戰中射入，為洪軍破蛋。澳洲最終以3:1戰勝洪都拉斯，兩回合3:1出線。

----------
曼城主力球員已經進駐『BFB CHAMPIONS 2.0』！快啲建立你嘅藍月亮軍團啦！
http://bit.ly/2xrTKGM