今個聖誕節古巨基(基仔)去咗美國舉行巡迴演唱會，一開場基仔就以快歌「炸爆」全場，帶動觀眾情緒，其間基仔喺演唱會大爆自己同古太( Lorraine)嘅情史，仲捉咗3pair情侶上台，逼佢哋自爆情史。

去到Encore環節，基仔忽然喺觀眾席出現，現場歌迷瘋狂湧向基仔，握手之餘仲摸面同摸身，逼到基仔完全行唔到，要提早返上台。由於現場有歌迷唔肯返埋位，企喺台前唔肯走，更有歌迷喺握手期間，想扯基仔落台，搞到基仔成個人失平衡坐低喺台上，好彩有驚無險！最後基仔同全場觀眾大唱聖誕歌，渡過一個難忘熱鬧嘅聖誕夜。