隔牆有耳：禿鷹oftheOpera - 李八方
蘋果日報 2012/04/11 00:00
鷹派一哥曾偉雄識時務，未上位前就學識唱《人民警察之歌》等紅歌，唱紅、打黑（影）佢都冇難度。呢隻鷹除咗識唱紅歌、識講鬼故事（黑影論），原來仲好鍾意唱音樂劇，首本名曲係《ThePhantomoftheOpera》。若果佢學「官場技安」周一嶽咁，喺公開場合唱番首《EagleoftheOpera》，八方一定捧場。
唯一一支職業軍樂隊
八方早前去參觀香港警察樂隊，順便請教吓樂隊嘅音樂總監梁寶根警司（James）有冇幫過周一嶽伴奏。James就話冇同周局長合作過，反而大爆佢哋嘅一哥曾偉雄好鍾意唱歌，最鍾意喺古典音樂同Jazz。音樂劇佢都唱得兩嘴，《ThePhantomoftheOpera》係鷹Sir嘅首本名曲；而前任一哥SorrySir鄧竟成就比較鍾意唱舊廣東歌，特別係關正傑嘅歌。
講番警察樂隊，係1951年成立，由一支60人銀樂隊同一支24人風笛隊組成，係香港唯一一支職業軍樂隊。James喺樂隊16年，經歷過唔少真正嘅風雨。01年7月1日回歸升旗禮，撞正3號風球，樂手顧得頭上頂帽，就顧唔到樂譜，好彩佢哋一早背熟國歌嘅樂譜。James又話，今年年初去德國表演，當地氣溫係攝氏零下10度，就算喺室內表演都只係得0度，凍到入心入肺。
佢哋每年有逾500場表演，由警務處會操、官方頒授儀式，到公營機構活動開幕禮都見到佢哋。每年10月至12月係旺季，試過一日表演五場，因為冬季冇咁多風雨嘛。警察樂隊將會同香港電台合作，嚟緊嘅周日（本月15日）下午2時喺沙田大會堂廣場舉行音樂會，免費入場。
James同八方講，當日一哥都會到場支持，不過就應該唔會唱歌喇！本月19日晚上8時，樂隊亦會喺港台表演，市民憑票入場（查詢電話：23396425）。
mailto:[email protected]
講番警察樂隊，係1951年成立，由一支60人銀樂隊同一支24人風笛隊組成，係香港唯一一支職業軍樂隊。James喺樂隊16年，經歷過唔少真正嘅風雨。01年7月1日回歸升旗禮，撞正3號風球，樂手顧得頭上頂帽，就顧唔到樂譜，好彩佢哋一早背熟國歌嘅樂譜。James又話，今年年初去德國表演，當地氣溫係攝氏零下10度，就算喺室內表演都只係得0度，凍到入心入肺。
佢哋每年有逾500場表演，由警務處會操、官方頒授儀式，到公營機構活動開幕禮都見到佢哋。每年10月至12月係旺季，試過一日表演五場，因為冬季冇咁多風雨嘛。警察樂隊將會同香港電台合作，嚟緊嘅周日（本月15日）下午2時喺沙田大會堂廣場舉行音樂會，免費入場。
James同八方講，當日一哥都會到場支持，不過就應該唔會唱歌喇！本月19日晚上8時，樂隊亦會喺港台表演，市民憑票入場（查詢電話：23396425）。
mailto:[email protected]
梁寶根警司話樂隊開OT好正常。