當年今日

隔牆有耳:蘋果動新聞登「陸」 - 李八方

蘋果日報 2011/02/03 00:00


大年初一新正頭,八方先向各路英雄俊男美女拜年,講句恭喜發財,祝福大家萬事如意,身體健康,橫財就手,大吉大利,搞社運嘅繼續勇往直前,與講廢話嘅高官搞對抗,新一年兔氣揚眉,搞地產嘅繼續發水壟斷,做官嘅繼續關起門來做皇帝,咁就天下太平昌盛繁榮嘞。
empty
empty
中央人民廣播電台嘅網都有轉播蘋果動新聞有關羅兆輝嘅報道。
empty
南方電視台播出蘋果動新聞嘅節目,優酷網仲睇到。
南方電視台報道節目
八方心懷祖國,在新春喜慶好日子,都唔會忘記內地被打壓嘅維權人士同異見人士,希望佢哋都可以同家人團聚過新年。正常情況下,內地同胞要千辛萬苦翻牆先睇到《蘋果》,不過八方近日卻有個大發現,蘋果動新聞原來已經越過海峽,成功北上,在內地登陸!
事情係咁嘅,早前奇人羅兆輝喺東莞暴斃,香港傳媒大篇幅報道,可能由於佢生平實在太傳奇,財富起起落落引人入勝,同富豪、女星關係密切,因此內地媒體都有報道其死訊,包括中央人民廣播電台網頁,其中廣州南方電視台更加在王牌節目《今日一線》中詳盡報道,形容佢係「香港地產神童」,事業高峯期身家達20億港元。令八方驚奇嘅,係南方電視竟然在報道中,原裝播出蘋果動新聞製作神童輝暴斃前嘅動畫,即係話內地觀眾唔使翻牆都可以睇到蘋果動新聞。
蘋果動新聞已經推出一段時間,不時在外國媒體播出,破格報道形式引起好多議論,在內地媒體出現,以八方所知都係第一次,南方台播出動畫時註明視頻來源係蘋果動新聞,廣東話配音足本出街,夠晒原汁原味。南方台播出蘋果動新聞嘅節目,家陣仍然可以在視頻網站優酷睇到。
八方收爐年初五開市
南方電視台係廣州省級電視台,與廣州電視台、廣東電視台鼎足而立,係廣州三大電視媒體之一,香港觀眾可以在亞洲電視高清頻道13台收看。今次南方電視台節目播出蘋果動新聞,不代表《蘋果》已經獲解禁在大陸立足,好似特區高官口頭禪,呢個係個別事件,不過國內同胞可以睇到動新聞,始終係好事。八方做到年三十晚收爐,明天起休市,星期一初五開市。
mailto:[email protected]