金像影帝艾迪烈柏尼（EddieRedmayne）近期當旺，唔單止傳佢太太正懷孕將首次做老寶，艾迪亦有機會憑扮演首位變性人嘅新片《丹麥女孩》(TheDanishGirl)再度衝擊奧斯卡。《丹麥女孩》備受注目，連KimKardashian嘅變性繼父凱特琳（CaitlynJenner）亦被電影吸引，話想見艾迪一面。

據英國《鏡報》報道，凱特琳覺得《丹麥女孩》拍得非常出色，向外界發放變性人嘅正面訊息，所以希望趁艾迪下個月去到洛杉磯出席活動時同佢見吓面，以表達佢嘅感激，而艾迪亦都話凱特琳比到佢好大啟發，佢都好期待呢次嘅見面。