林百欣家族後人林建名大女林煒珊（Vanessa）、煒琦、煒珽與孝信，今日於荃灣出席「仁濟醫院林賴元芳足病診療室開幕典禮」，Vanessa慷慨捐出300萬元支持醫院的足病診療另址擴建。

Vanessa這個舉動背後原來有段故事，她說：「呢度係用嫲嫲個名命名，因為嫲嫲都做開慈善，佢仙遊咗7、8年，我哋成日想搵一間centre去懷念佢，都搵咗好耐，以前嫲嫲都係糖尿病患者，亦都有足部問題，有一次同仁濟醫院呢邊傾開 ，有乜嘢可以捐助，知道有八成嘅糖尿病患者係有足部嘅問題，所以都想擴充呢一個部門，我哋好想用呢個方法懷念祖母，所以就捐咗呢個centre出嚟。」

今日Vanessa腹大便便，原來她已懷孕7個多月，她說：「呢個係冇預期、冇諗過今年發生嘅事，係非常開心、非常感恩，而家7個幾月，仲有個半月就會生，同大女已經相隔咗9年，差唔多一個generation。」問到這一胎是男還是女？她說：「遲啲先講，順利生產先，今次係開刀。」

Vanessa又指爸爸林建名再次抱孫大感開心，她說：「爸爸好開心呀！佢最鍾意小朋友。」至於問到何時到妹妹煒珽？煒珽即說：「唔好逼我，慢慢嚟。」不過熱愛攝影的煒珽透露已安排攝影師為家姐影大肚照，問她為何不親自操刀？煒珽笑說：「影得唔好會好大壓力，我會去做助手。」而Vanessa笑言到時會邀請一家人到場順便影全家福，她說：「因為係好難得嘅機會。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

星期一至五晚上10點半
《動腦Q》Let's Q the money！
http://bit.ly/2QW8LcI