無綫一名在電視城上班的會計文員，前日確診武漢肺炎，約30名曾接觸患者的同事需進行病毒檢測。應屆港姐冠軍謝嘉怡、陳展鵬及譚嘉儀等，昨日在將軍澳出席宣傳活動，回應員工染疫一事。陳展鵬表示個人會做足防疫措施，亦會再去做檢測，顧己及人，最不希望成為帶菌者：「知道有員工中招，香港確診開始高，大家都預料再有新一波疫情，其實香港做咗好多措施，每個人要緊守自己崗位，顧自己顧人戴口罩，希望快啲過呢一波，快啲有疫苗。」問到會否減少帶囡囡「小豬比」出街？展鵬笑言：「上次緩和時，我放假日日帶佢出街，出到佢都頂唔順，佢都眼瞓，小朋友要瞓多啲覺，但我想佢見多啲，唔好話見多啲世界，希望可以周圍走，知道有人存在，唔係只得爸爸媽媽，佢成長得OK，未去到扭出街。」

此外，來自蘇格蘭的港姐冠軍謝嘉怡知疫情嚴重，全程都有戴口罩，她坦言擔心疫情，覺得戴口罩、清潔雙手、減少出街均十分重要，而英國的疫情亦很嚴重，她說：「擔心英國好多，爹哋已經返咗去，傾緊同媽咪一月嚟香港探我，可能要再睇吓疫情點先。」