人稱羅老太嘅鷹君集團已故創辦人羅鷹石遺孀羅杜莉君，上年底岩岩過咗百歲大壽，之後就因為家族爭產事件，多次出入法庭。

見到家族兄弟姊妹分裂，羅老太上年生日時，講過佢嘅生日願望，就係希望團圓。

呢日壹仔就見到羅老太，嚟到一個露天茶座，原來唔係嚟齋坐，係準備拜神，啲香燭祭品，要兩個工人先拎得晒，唔單只香燭生果有齊晒，仲有好多其他類型食品，好豐富。

擺好個壇，就見到羅老太雙手合什，念念有詞，開始稟神喇。

羅老太已經過百歲，雖然行動唔算好方便，但係眼仔碌碌，精神都唔錯。無耐二仔旭瑞嘅太太嚟到，見到羅老太就好熱情咁攬住，同羅老太打完招呼之後，羅太亦都去上香。

後來孻仔啟瑞都黎到，傾咗陣偈，啟瑞仲親自推羅老太走，果然乖仔。

咦/羅老太係朱玲玲嘅奶奶，拜神都唔見呢位新抱出現？咪因為爭產風波，朱玲玲老公羅康瑞，同三哥羅嘉瑞同一陣線。咁啟瑞同旭瑞，係同阿媽羅老太名一陣營，所以見唔到朱玲玲

都合理嘅。

9月2日起升級條件將更新 繼續每月撐壹仔 講真心話撐住我香港！