鄭中基喺杜汶澤喺fb留言寸爆《警訊》片，其實鄭中基真係夠晒公信力，點解？之唔係因為當年佢未做「暴龍哥」之前，喺電影《龍咁威》系列入面就係做誇張版《警訊》嘅始祖！

喺戲中鄭中基因緣際會下去做警察，不過因為表演慾太強而被安排去做《警訊》主持，而佢喺《警訊》表演非常搞鬼，扮晒空姐、Roller Girl等等。

鄭中基主持嘅《警訊》真係非常戲劇化又有喜劇感，最難忘嘅就係佢同張達明、李璨琛演嘅「瑞士山區肺騙案」，當中鄭中基扮騙徒嘅同黨，以一身空姐look現身非常突出。今次《警訊》咁有「喜感」難怪鄭中基自己都話留言話：「佢哋一向唔抵得我做《警訊》叻過佢哋！」