有線新聞記者張寶華人氣急升，連旺角潮流重鎮信和中心都有佢嘅靚相賣，重話每張炒到成百蚊！同樣係玩潮流嘅雜誌《壹本便利》，亦都加入呢股「寶華熱」，新一期唔單止寫咗篇報道，重向讀者贈送兩款張寶華早前接受《壹週刊》訪問嘅玉照，真係搞到佢好似明星咁。
話時話，呢兩張相確係幾珍貴㗎，連八方想攞都唔係咁易攞到。
其實Fans們攞唔到相都唔緊要，《蘋果日報》成日都有張寶華嘅報道，枕住都有佢嘅相出街，要睇佢嘅相話都冇咁易。
（圖）《壹本便利》送出嘅張寶華玉照。


E-mail：[email protected]