1963年，即是50年前，喺電影《梁山伯與祝英台》中飾演梁山伯嘅凌波令評審帶來困擾，唔知應該俾最佳男主角定係最佳女主角，結果評審頒俾佢「最佳演員特別獎」。到1967年，凌波再次獲得最佳女主角。今年係金馬50，凌波姐姐再次華麗現身，頒發最佳剪輯獎同最佳音效，凌波姐姐話，今年係梁祝50周年，亦係金馬獎50周年，意義重大，故就連二仔新片上映，凌波姐姐都選擇出席金馬獎。

凌波姐姐感歎謂:「人生有幾多個五十年？我凌波還有幾個五十年？」不過蔡康永今次孭住黑白馬主持金馬獎頒獎典禮，開場10分鐘嘅致詞卻被網友批冗長，而且可能蔡康永健康狀態未完全康復，故聲音微抖，亦顯現心情緊張。佢同凌波姐姐頒獎前，聊起當年往事，咁都俾網民狠批好悶兼無聊，留言道：「所以到底是要頒給誰啊？」

今晚頒發第一個獎係最佳剪輯，由《天註定》嘅MatthieuLaclau及林旭東奪得，第一個獎已擊敗《一代宗師》。

最佳音效則由《失魂》嘅台灣著名電影錄音師兼音效師杜篤之及郭禮杞奪得。今次亦係杜篤之第10次獲金馬獎。