關仁隱事:尾痕難捨公仔箱 - 關仁

蘋果日報 2008/03/16 00:00


選美界出身嘅三色台花旦「尾痕」,話就話係一線花旦,但由出道到𠵱家都未有一部令觀眾好難忘,或者好能夠引起共鳴嘅作品,令到尾痕一直都耿耿於懷。雖然尾痕一早嫁咗個有錢老公,年前仲生埋BB,但佢依然好想復出拍番部代表作,當係一個人生里程碑。
之但係,尾痕嘅復出大計唔係咁容易達成咯!原來佢老公同屋企人極力反對尾痕復出,原因係唔鍾意尾痕喺鏡頭前同第二個男人攬攬錫錫,尤其是最近仲做埋媽咪㖭!老實講,𠵱家拍劇又點會冇呢啲親熱鏡頭呢?所以無論尾痕點講,佢老公都唔同意,睇怕尾痕心中對演藝工作嘅呢一團火,想唔熄滅都唔得!
Textby關仁