薛家燕無懼疫情照拍廣告 憂女兒冇拖拍心急搵女婿
蘋果日報 2020/12/03 00:11
薛家燕石祐珊拍拖
薛家燕在疫情下工作不斷，今日在灣仔拍廣告做代言人搵外快，席間她坦言不計較酬勞，但就出口術借活動催促女兒石祐珊盡快結婚。
家燕姐對近日政府採取收緊防疫措施，關閉戲院及娛樂場所等，影響娛圈前景感到無奈，不過她樂觀說：「大家睇吓我對耳環有個囍字，希望可以沖下喜，李居明話我今年紅鸞星動，得個笑字，咁嘅年紀仲嫁咩，希望帶畀大家喜事，順便畀阿女聽吓，咁耐都冇聽過一啲消息，識做啦，希望出年係佢紅鸞星動，疫情快過去。」
家燕姐接柏的靈芝廣告，原本是聖誕節後才開工，但有見疫情嚴峻，她說：「專登提前拍攝，希望產品快啲推出，唔係收錢問題，而係希望大家可以保健，踏入12月聽到每日80、90宗疫情，聖誕前夕個個緊張身體，大家都要歡聚，唔使一定要測試，身體健康已經好好多。」
家燕姐和品牌老闆友好，欣賞對方花費不少心血創建品牌，但無意入股：「我呢啲濕濕碎，老闆大把啦，上咗岸豐衣足食，我同老闆有啲志同道合，人人話我可以退休，但我想帶啲歡樂畀大家，有少少影響力，人生有希望。」
薛家燕今日出席活動時，借機催女兒快些拍拖。
-----------------------------
《蘋果》英文版免費試睇：了解更多
薛家燕今日特別戴了一對囍字耳環出席活動，希望為大家沖喜。
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！