明日（17日）打吡大賽日，直覺又係大馬房曬冷之時，不過近三季打吡賽日，入前四最高嘅竟係苗禮德，達六成！

第七場二班1200米，「美麗滿載」出四場贏晒，而鞍上人莫雷拉季內同程入前四達69%，屬全場騎師之冠，回策此駒一於揀佢做單膽慳注碼。揀腳，「華美之友」曾兩度配巫顯東於A跑道上陣，結果取得一冠一亞，當中贏馬一仗更是此程，今次作相同部署，要拖。

田泰安今季於A欄同程入前四達55%，新勝馬「精益求精」轉交其手，當然要防；再拖埋人馬合拍的「平天凡」及「好吉利」，以單膽拖四腳方式出擊。

第九場三班1400米，賢廐「聰明導彈」今次初配莫雷拉，查騎練前季至今同程一共20次合作，共取得六冠三亞三殿，入前四高達六成。而前文講過，苗禮德在近三屆打吡賽日入前四達六成，加上馬房季內兩匹配蘇兆輝的升班馬「新強勇駿」及「烽煙四喜」全部勝出，「超新星」可一齊做複膽。

配腳方面，同程五戰全入前四的「再享耆成」一定要拖。布文與大摩前季至今合作亦有五成前四上名率，「志在四方」要拖埋。貝力斯剛周日（10日）接手潘頓棄騎的方廐馬「跳出香港」順利勝出，「關鍵時機」要揀。另外排得同程入前四最高一檔的「香音」亦可作冷腳。今場以兩膽四腳方式下注。

-------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-------------------------
全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef