當年今日
關於我們

【韓流】唔再做暖男金秀賢下月開始扮大佬

蘋果日報 2015/12/12 06:00

蘋果香港韓國男神即時金秀賢來自星星的你OppaKeyeastProducerReal製作人們黑社會大佬

韓劇《製作人們》男星金秀賢套新片《Real》,原定10月就會開拍,不過早前一直未有聲氣,原來新片拖到下月先開拍。而金秀賢明年2月就28歲生日,外界都好關心佢入伍一事,金秀賢方面就大派定心丸:「暫無計畫。」

金秀賢套新片《Real》近日終於確定於下月開拍,新片係一部驚險動作片,而金秀賢就會飾演黑社會大佬張太英一角,係一個百戰百勝、冷酷無情嘅人,對於一向行開暖男路線嘅金秀賢嚟講,絕對係一大挑戰。

由於《Real》係金秀賢入伍前最後一部作品,因此引起好多投資者嘅注意,同時粉絲都好關心oppa當兵一事,金秀賢所屬事務所Keyeast今日就表示:「由金秀賢主演嘅電影確定於下月正式開機,希望粉絲多多支持。另外,對於大家關心嘅入伍一事,我哋對此暫無計畫,而金秀賢本人都將忙於電影拍攝。」粉絲可以暫時放心啦。