宣萱早前憑《不懂撒嬌的女人》嘅Mall姐一角人氣急升，噚晚同林文龍一齊喺紅磡出席「微博之夜」領獎。宣萱稍後會同古天樂合作兩部電影，除了《尋秦記》電影版外，仲有《犯罪現場》，宣萱曾經有「大台御用人質王」稱號，18年被脅持24次，佢話今次唔使：「今次唔係做人質喇，開心可以同張繼聰合作，覺得佢可以將每個角色演活，呢部戲又可以同古仔warm up吓先。」

為咗《尋秦記》，宣萱透露早前已相約古仔同林峯見面，佢話：「林峯好耐冇合作，佢都大個仔咗，大家個樣冇乜變，只係成長咗，有信心拍攝順利。」

而宣萱同林文龍問到有冇機會再合作？宣萱話：「其實《不懂撒嬌》前已經有十幾年冇合作，但我哋都話係最早期嘅螢幕情侶，要求貴精不貴多，揀咗就會好enjoy去做。」林文龍就笑話：「我哋經驗有，係冇錢，要搵條水喉返嚟。」

精選娛聞，喺晒《娛果》
http://fb.com/appledailyent