【淨係重咗2kg!】 Ana R.宣佈封肚 BB百厭晚晚踢腳仔
元宵節封肚Ana R二人世界
名模Ana R.今日喺觀塘出席「香港婚嫁囍事回顧展」,Ana捧住近5個月巨肚現身,佢話o依家已經係懷孕期嘅一半,時間過得好快,佢仲話BB喺肚入面好百厭,仲顛倒咗日夜時間,搞到Ana夜晚冇覺好瞓,佢話:「BB在肚裏不停滾動,尤其是在晚上,昨晚我只睡了一小時,今天會嘗試做按摩,希望可以令我容易入睡。」
今日見Ana上圍升咗cup,佢話:「其實只是胸圍影響,身型沒有變化,可以繼續穿舊的衣服,只是肚子每天都快速長大,現時我只重了2KG。」問到會唔會再追?Ana即耍手擰頭宣佈封肚,佢話:「That's it(夠了),在香港養兩個小孩不容易,香港跟美國、英國不同,小孩有很多課外活動,加上我的丈夫也是baby,我怕再生會難以應付。」
聽日就係元宵節,Ana話已經約咗老公二人世界,佢話:「因為西方情人節他很忙,取消了晚飯,生了大女後,我們已經一年多沒有二人世界,今次晚餐,真是要好好紀錄下來。」Ana仲透露老公已經送咗兩束花畀佢,分別代表佢哋兩個寶貝,認真有心思。
精選娛聞,喺晒《娛果》
http://fb.com/appledailyent