近年商場「逢劏必死」，但有人都係唔信邪，包括前中國小姐趙哲妤的母親李渠興。

趙媽媽一年內以220萬元，連續購入荃灣大河道著名劏場——地皇廣場三舖。

地皇廣場全場三層，共235個舖位，全部都係實用面積40至80方呎嘅蚊型舖，所以開業三年嚟都係維持水靜鵝飛氣氛。而趙哲妤媽媽，被揭原來一年內以220萬元，連續購入商場兩件勁蝕貨。

令人託異的是，原來趙媽媽早於2014年，即商場開幕前，已經以433.2萬購入一個舖位，目前幾可肯定蝕到入肉，但越跌卻越要撈底。(新聞連結：　 http://bit.ly/2sXgtei 　)

問趙哲妤可知阿媽中伏？她今日回覆《蘋果》稱：「要問佢先知呀，佢不嬲都鍾意投資磚頭，三個女大學畢業嗰陣，全部都有送樓，之後有啱嘅物業都會送，個個好似過千萬喺手。

「其實媽咪係十分精明嘅人，都會做信託，我哋唔可以亂使錢，物業實則都係佢嘅，主要想我哋學好物業管理。以我所知，報紙所講嘅舖，佢應該係畀細妹嚟學習打理自己小店。嗰陣我啱啱踏足社會，要經營美甲店同餐廳，汲取從商經驗，之後都有畀我學吓炒舖仔，尖沙嘴重慶站，賺成80%，嗰陣對我嚟講，感覺好誇張。」

家陣趙媽媽準備赴法國公幹，趙哲妤話等媽咪等忙完之後再關心吓。「不過佢係實業家，飾品出口做咗好多年。呢幾年投資餐廳，九龍城分店成4,000幾呎，好大，兩間估計過千萬。」

好疊水喎！唔止咁，趙哲妤話：「見佢早半個月又買新車，過百萬Tesla，因為歡迎BB，又全屋裝修咗幾百萬，我叫揀平啲佢都唔騷我。所以相信呢個劏舖大概對媽咪影響不大，或者佢有自己嘅睇法同計劃。」

相關新聞：
【荃灣劏場】地皇廣場業主搞聯租爆分歧 越搞越出事
http://bit.ly/2sXZbhi