王浩信有個細佢7年嘅細佬王瑋彤（Tony），同王浩信一樣咁高大，餅印一樣，今日香港先生選舉面試有個一個26歲，自稱係Tony嘅參賽者，個樣同王浩信好似，不過身型就瘦削咗啲，佢斯斯文文著到成身藍色，好成熟，但係就有啲似去殯殯，被問到佢似王浩信，佢好抵死咁話：「啲人都咁樣話我似，我自己都覺得似。」

據知王浩信細佬Tony外國大學商科畢業之後，做過保險同銀行，因為生活太刻板，舊年已經想好似哥哥王浩信咁加入多姿多采嘅娛樂圈，咁舊年曾經去過大台面試藝訓班，點知首輪面試已經被out，後來憑住身高6呎2嘅Tony轉戰男模，接過唔少大牌子，好似依家唔多受香港人歡迎嘅Lancome，仲有MichaelKors嘅騷。