大陸男星王寶強16年自爆前妻馬蓉偷食，外遇對象係自己經理人宋喆，喺身邊應該值得信任嘅人突然變得陌生，的確令人心痛。今年2月法院宣判兩人兒子由王寶強撫養，，女兒由馬蓉撫養；噚日馬蓉入稟指王寶強名譽侵權，終審維持原判，指認定王寶強不構成名譽侵權；之後兩人仲要面對爭產官司。

馬蓉日前聲淚俱下咁接受大陸傳媒訪問，反指王寶強執導《大鬧天竺》都移情別戀，馬蓉指當時打算去探班，但就聽到工作人員話：「導演（王寶強）女朋友來了。」馬蓉喺報道中話仲keep住呢張機票，又知道王寶強同呢位女子互send「520」紅包。

講到同宋喆嘅關係，馬蓉就形容只係一般同事，冇親蜜行為，其中一張被宋喆搭膊頭嘅合照，佢就解釋係生日會嘅相，當日仲有好多其他人同佢影過雙人合照。

精選娛聞，喺晒《娛果》
http://fb.com/appledailyent