當年今日
關於我們

海外試車:本報記者馬來西亞實地測試
全新寶馬5系操控表現佳

蘋果日報 2003/10/03 00:00


全新寶馬5系口碑不俗,香港代理開售以來接到不少定單,惟香港一班汽車傳媒,卻未能一試新車嘅表現。有見及此,廠方早前更安排各地傳媒,前赴馬來西亞Sepang賽車場作實地測試;當中新加入嘅ActiveSteering系統,更成為廠方重點推介呢!想唔到一部行政級座駕,亦有如斯突出嘅操控表現呢!

記者、攝影:李勤
逢星期一至日出版


造型突出富魅力
雖然筆者已經唔係第一次接觸新一代寶馬5系房車,但仍被佢嗰個極富吸引力嘅造型,深深咁吸引住;首先,由於車身尺碼有所增加,故此新車看來會較上一代型號可謂大了不少,另外,取材自新款7系嘅弧形頭燈配搭,望落夠晒吸引之餘,加上予人一脈相承之感嘅LED尾燈組合,更令新車嘅輪廓看來更見有一份吸引力呢!

車廂講究i-Drive時款
新車唔單止賣相夠突出,車廂鋪排亦相當有貴氣;響簡約嘅鋪排中,重予人感受到一份豪邁氣派。其中,新改良嘅i-Drive多媒體裝置,選擇功能一Click就入,有直截了當嘅方便呢!與此同時,由於新車尺碼較舊有型號有所增加,故此車廂空間亦要來得寬敞闊落,配合前後兩排承托力甚豐嘅高級真皮座椅,乘坐倍見貼服舒適呢!
empty
操控出色有房跑車Feel
寶馬新5系另一過人之處,相信會係出眾嘅底盤結構,加上多個主動式電子系統輔助,走彎循迹表現,更直逼一部高性能房跑車嘅水準㖭!再者,拐彎時車身嘅平穩力,更教人留有深刻印象㗎!重有呀!用作測試嘅530i型號,係以一台2979cc直6DOHC引擎作核心,匹配一套6前速Steptronic半自動波,起步加速反應敏捷,性能表現絕對毋庸置疑。
empty
■後排中央設有手枕,另備有雜物匣及杯座組合。
empty
■全新座艙布局,望落份外突出吸引。
empty
■前排中央設有雜物匣方便擺放雜物外,前方更設有i-Drive系統控制鍵。
empty
■前後兩排座椅皆以高級真皮鑲嵌而成,承托力十足。


首試乘坐滋味有大豪客Feel
大清早,甫踏出吉隆坡市中心嘅酒店大門口,有為數近20部全新寶馬530i型號恭迎之餘,原來廠方響每部車上,重安排有熟練嘅司機伺候;整隊車隊以警察電單車護送及開路,一隊近公里長嘅全新530i車隊,浩浩蕩蕩直馳鄰近機場嘅Sepang一級方程式賽車場去,沿路上重惹來唔少上班一族嘅豔羨目光呢!
empty
■中控台設備齊全,頂端更設有多功能顯示屏幕。
empty
■一套6前速Steptronic半自動波,轉檔反應較前來得更直接緊湊。
empty
■近20部新款5系,浩浩蕩蕩前往試車場地。
empty
■本地汽車傳媒鮮有機會作座上客,原來坐住新車後排嘅滋味係好好Feel㗎!


Slalom繞圈領悟ActiveSteering本色
甚麼叫「慢車快軚、快車慢軚」Feel,相信真係要一嘗呢部新寶馬530i嘅ActiveSteering,方能領略得到;好多人遇上路中障礙物,一如走Slalom般,每每需要大手扭軚,原來慌忙間好容易會出錯,反之裝有ActiveSteering嘅轉軚感覺,動作幅度細又易掌握,原來走Slalom都唔係咁難啫!
empty
empty
■車隊抵達Sepang賽車場,終於完結一趟試坐滋味。
■傳媒車隊以唔同速度向Slalom繞圈場上追逐頭車,真係一啲都唔簡單。
empty
empty


投射新科技駕駛倍安全
寶馬車廠近年亦積極研製投射式表板及智能導航系統,大可響駕駛席前方玻璃上,投放車速、跟前車距離等資料外,配合上真人發聲嘅導航裝置,轉彎抹角前更有方向指示㗎!
empty
■工程師解釋結構,試車後重分享新裝置嘅體驗。
empty
■每個環節均有廠方高級試車員領航,但原來追車唔係咁易㗎!


同場加映寶馬Formula1戰馬
近年響世界一級方程式賽事中,有唔錯表現嘅寶馬戰駒,能夠近距離接觸嘅感覺真係好正㗎!可惜座艙係度身訂做,非車手嘅筆者係好難入座呢!
empty
empty


記者試後評語:操控表現一流
早前,香港代理率先推出全新5系房車,惟時間倉卒嘅關係,有關方面未能正式安排新車,讓本地傳媒作實地測試。然而,今趟馬來西亞之行,廠方特意響世界一級方程式車賽,馬來西亞分站舉行之地嘅雪邦(Sepang)賽車場測試,重點所在會係5系新加入嘅ActiveSteering系統,響Slalom環節中盡顯新5系嘅過人之處外,論操控表現,新車又豈止係一部行政級座駕咁簡單呢!
empty
■度身訂做嘅車廂,未必人人可以坐得落。
empty
近年響世界一級方程式賽事中,有唔錯表現嘅寶馬戰駒,能夠近距離接觸嘅感覺真係好正㗎!可惜座艙係度身訂做,非車手嘅筆者係好難入座呢!
寶馬530i小檔案
引擎:2979cc直6DOHC
馬力:231ps/5900rpm
扭力:30.6kgm/3500rpm
傳動:6前速Steptronic半自動波,後輪驅動
尺碼:4841×1846×1468mm
軸距:2888mm;車重:1580kg
0-100公里:7.1秒;極速:245km/h
新車售價:$639,000(標準版)
查詢:寶馬香港(27145271)
empty
■一台3.0公升直6偈運轉寧靜,而且重有好力及慳油嘅特性。