九龍倉集團轄下ec電訊提供1507國際長途電話服務，近期推出優惠，部份時段可免費致電美國。有客戶致電美國夏威夷親友，接獲帳單始發現美國本土跟夏威夷收費不同，查問時職員才告知因成本不一，收費有別；客戶感ec電訊宣傳不實，有誤導之嫌。

「話明打去美國IDD有優惠，畀錢嗰刻先知夏威夷係唔當美國咁計法！夏威夷明明係美國國土，點解收費唔同都唔講明？」
經常使用長途電話的林先生稱，他一直為ec電訊IDD用戶，早前接獲ec電訊宣傳單張，內容聲稱凡致電中國、美國及加拿大均可獲特價優惠，而逢周五、周六及周日傍晚六時至晚上九時內，以手機致電該三地更可免費。

致電美國有特價
林先生有親友在中國、美國及加拿大等地，尤其在美國夏威夷，故常致電當地與親友聯繫。
他說，早前他從帳單發現，有關收費與宣傳單張不同，他致電ec電訊熱線查問，職員始告知美國本土跟夏威夷的長途電話收費不一，原因是致電夏威夷成本較高。
林先生問職員何以事前並沒通知，並要求ec電訊加印此提示予其他客戶，以免產生誤會，竟被職員拒絕。
「佢哋話：『好多公司都係咁啦！』咁講法好離譜，明明有問題都唔去正視，重砌詞狡辯！我都冇要求佢哋畀番錢我，只係唔希望其他人中計，佢哋都唔理！」林先生終轉向本報投訴。