當年今日
關於我們

【媽咪係大妗姐】糖妹冇得同居一搬就係嫁

蘋果日報 2014/07/05 06:00

蘋果灣仔糖妹Winkie即時

平時嘻嘻哈哈嘅糖妹,原來係朋友堆中最傳統嘅一個人,舉個例畀大家聽,好多中國傳統習俗上面嘅嘢,佢身邊啲朋友都要請教糖妹,就好似糖兄娶老婆時,糖妹就擔任大妗姐添,咁點解佢會咁熟呢?原來糖妹媽咪真係大妗姐嚟0架,所以都有傳授心得畀佢,糖妹就爆媽咪唔肯畀佢搬走,若果要搬就一定要嫁,咁0依家仲係單身,所以就乖乖地喺屋企做乖女。

今日同糖妹一齊參與灣仔一個同樂日活動仲有黎美言(Winkie)、若琪同李安豪等,糖妹話:「嚟緊要去台灣幾日,傾宣傳同工作,聽聞台灣男仔鍾意香港女仔夠爽朗,都可以去睇下,不過異地戀我又唔得。」

糖妹又會去搵好友范曉萱,咁會否到叫小萱帶佢去玩或者自己去蒲下夜場?糖妹話:「我只係知道范曉萱錄音室每兩個鐘就有嘢食,至於夜場,喺門口見識下就夠,我好怕嘈,所以都好少見我出現。」