屆時10幾個荔園嘅經典攤位遊戲將會登場,同時有超過300個以港商為主嘅展銷攤檔。可惜場地負重有限制,擺唔到機動遊戲,但Duncan肯肯定咁話:「隻天奴大象會帶埋過去。」佢期望,將來可以喺更多內地城市舉辦嘉年華,例如北京、上海等一線城市,廣州就希望一年舉行一次。
至於香港仲會唔會有荔園呢?Duncan忽然好感嘆咁話:「香港最大問題,係唔夠用地,全部拎晒去起樓。」佢話家陣要搵20萬呎以上嘅用地,最多只能短租,搵地真係好困難。佢都諗緊,明年繼續在港以短租形式搞荔園,地點就未有定案。
講到尾,香港地,土地咁珍貴,到你真係投到幅地,又未必捨得用作遊樂場,賣樓吓吓講緊兩萬蚊呎喎。
李華華
mailto:
[email protected]