韓國天團BIGBANG隊長G-DRAGON(GD)一向被視為潮流達人，佢着過嘅服飾不時會被搶購一空。

當中GD於本月17及18號喺澳門舉行佢個人世界巡迴演唱會，當中佢由韓國仁川機場到綵排都可見佢孭住一個手袋不離身，而呢個手袋仲要係全球獨一，僅得GD擁有嘅手袋。其實呢個手袋係屬於Chanel嘅Chanel Gabrielle嘅新款包包，價值約443萬韓圜(約3萬港元)一個，不過GD就刻意喺手袋上用不同顏色筆營造塗鴉效果，並於袋上寫上Chanel以及佢自家品牌Peaceminusone嘅字眼，唔講仲以為係佢自家品牌同Chanel crossover。