在地鐵逼爆、繁忙時段等兩班車才可以上車的香港，拍無人的空城困難最高，「喺荷李活就易辦，搭個景就係，香港就好難，唔通封咗條獅子山隊道畀你咩！」陳果直言，凌晨3點到5點，是搶「無人鏡頭」的黃金兩小時！「有場戲喺旺角亞皆老街拍，我哋專登揀周日凌晨4點幾先拍，諗住唔使返工，巴士少啲，點知原來5點幾，自由行就已經出動，天未光就聽到普通話！」

日夜顛倒拍出「死城」

走鬼拍片，是香港電影人的集體記憶，習慣「睇餸食飯」的陳果，也差點被難倒，惟有全體演員和幕後工作人員日日晨昏顛倒，專揀深夜及清晨時分拍攝，爭分奪秒。如是者，終日人頭湧湧的廣福道和大埔墟，變成空無一人的「死城」；高速公路「一望無際」，一架車都看不到，「超現實畫面」活現眼前，久違了的清靜，對於香港人來說，彌足珍貴。
「有場天未光喺吐露港嗰場戲最驚險，高速公路有一定危險，要完全冇車入到鏡，只有30秒，我哋要求20秒就要拍完，所以，一定要確保最少人喺馬路上面，往往只有演員同個揸機拍嗰個，確保可以走得快啲。」