【政治籌碼】
菲政府「偽道歉」實質「攞着數」,港人過去幾天看在眼裏大感不忿。謝志堅指當日三方會談後,特首梁振英宣佈撤銷黑色旅遊警示,他和其他死傷者家屬皆感愕然,「擺明個黑色旅遊警告係籌碼,我哋其實從來冇向政府要求應該除定唔應該除」。他批評港府未有核實當地是否安全便撤銷旅警。
謝志堅認為,當局應該從菲律賓現時的安全情況決定是否解除警示,「好突然,對方好似未真正去執行到一啲嘢,就即刻撤銷旅遊警示」。他指以過去三年和菲政府交手的經驗,「佢哋講完啲嘢可以完全唔算數,你就咁撤銷咗,佢講乜都得,佢反口都得,佢話唔記得咗有冇講Sorry都得啦」。