【本報訊】公民黨黨魁余若薇昨日首度回應泛民五區總辭變相公投建議，表明該黨對建議持謹慎態度，認為泛民若採納建議，必先訂出市民認同的請辭理由和目標，否則只會弄巧反拙分裂民主派，「未必對爭取普選有幫助」。余又警告，政府讓市民討論普選路線圖，並交出終極方案十分重要，認為政改方案越保守，社會反彈只會越大，「如果只傾2012年過渡方案，咁只會係死局一個。」
余若薇昨日與傳媒談及對變相公投看法時，指港人一向實際，「要香港人投票，一定要畀佢哋睇到目標係乜。如果冇好理由同目標，只會令人覺得係玩嘢。」對於泛民以2012年雙普選單一議題參選的建議，余就指：「陳太同葉太選時已做過一次，結果亦好清晰畀人睇到，咁係咪得到2012雙普選？」指若然變相公投成功，但政府仍拒落實2012年雙普選，「咁到時係咪又要再試？」她認為行動的每一步必先計劃清楚。