巴塞隆拿球星美斯上周五幫阿根廷出戰友賽，贏咗巴西。完成國際賽任務後，美斯同未婚妻安東莉娜，帶埋囝囝，飛咗去度假勝地伊比薩島嘆吓。一個男人同老婆仔女去旅行，都真係有啲悶，所以美斯搵咗兩個老友一齊去，組成呢個度假三叉戟。不過，呢個三叉戟唔同巴塞嘅「MSN」組合，N換咗做F！熟美斯嘅球迷相信好快諗到，美斯仲有邊個F字頭嘅球壇老友，當然係前巴塞隊友，家陣踢緊車路士嘅法比加斯啦。美斯、法比同蘇亞雷斯三個都帶埋屋企人去，相信三個男人肯定會搵機會使開班老婆仔女，傾吓男人心事。