【本報訊】的士司機與女友同居38載，把九成收入交女友託管，儲蓄達400萬元。惟女伴過身後，她與前夫所生的兒子突然現身，要求索回亡母遺產。司機遂入稟高等法院爭產，要求法庭裁定死者遺產的一半屬他所有。
65歲的原告甘振東昨在家中對本報說，他與同居女友羅燕珍原在已拆卸的尖沙嘴格蘭酒店共事，羅比他年長十歲，當時已為人妻，「佢成日搵我傾，話佢老公搵得唔多，但好大使，成日請朋友飲飲食食，仲玩女人」。
羅獨力養家，承受極大壓力，而甘又關懷備至，二人情愫漸生。1968年，羅毅然拋下丈夫和三名十多歲的兒子，與甘同居。兩口子閒時沒有嗜好，只知努力工作儲蓄。同居十年後，二人買下油麻地炮台街單位作愛巢。

「根本未養過佢哋阿媽」

經歷過不快婚姻的羅，從來沒有提議註冊結婚，而甘亦自認「唔嗲唔吊」，故兩人一直無名無份。
「我老婆每朝起身，都會攞晒我盒仔入面啲錢，存入佢嘅銀行戶口」，但甘指羅敏感，對錢銀着緊，「我搵錢多過佢，但係有時我提議開個聯名戶口，佢就鬧我，話我想包二奶。」
至前年，羅婦中風，留院近十個月，失去行動及說話能力，至去年3月過身。正當甘打算領取400萬元積蓄時，羅「一年最多見三次」的次子，透過律師向他表示要取回她的遺產。
「我老婆啲仔根本未養過佢哋阿媽，完全唔搵我傾就想攞錢。」甘別無他望，「我願意退一步，大家一半分咗佢。佢（羅）同我講過，揸的士好辛苦，如果唔想做，啲錢都夠養老。」
根據入稟狀，原告將九成收入交給羅，二人並協議財產共享，原告現向羅的遺產代理人，要求討回羅的一半遺產。
案件編號：HCA184/08