英超剛公佈各隊自由身名單，唔好以為唔使錢就一定冇好嘢，好似曼城就裁咗8名球員，當中不乏國腳級人馬，好似右翼捷西斯拿華斯，雖然已經31歲，不過助攻能仍然強，前屬球隊西維爾就好想帶佢返西甲。

西維爾上個月公佈由前切爾達教練比尼素，出任新教頭，球隊今季拎到西甲第四位，有得踢歐聯，所以都想加番新兵提升實力，捷西斯拿華斯係球會青訓出身，又做過隊長，既然免費，西維爾當然歡迎佢「愛回家」。

西維爾就睇中另一位曼城兵：洛尼圖，呢位前鋒上年由切爾達加盟曼城，大部份時間都係踢後備，不過比尼素帶切爾達時教過佢，知道呢位西班牙前鋒有幾多料，所以都想出手收購，如果曼城開價唔太辣，應該可以順利轉會。