建制派因為等埋發叔引致政改投票甩轆，坊間出現各種陰謀論，而且至今未有平息迹象。有政界中人就向季陶重組甩轆事件，發現當中有幾個令人難以解釋的「失誤」，直言若非有人「好似隻豬咁蠢」，根本不可能犯下這些失誤。
該政界中人從建制議員口中，重組最後一日表決前，建制派的行動部署，發現當中有幾個難以理解甩轆位，「好難想像葉國謙會咁樣漏招」。據他所知，周四早上建制派曾經討論過當日部署，當日的確有人提過，可以提早於中午結束辯論，但有建制派議員對他說，「當時並冇人話過呢個係決定，事後亦冇人再確定，好多人聽咗就算，阿謙亦冇再同其他人講清楚要提早完會」。

有人忽然叫停發言

據該政界中人所知，建制派已排好發言名單，當工黨張國柱發言後，輪到民建聯陳恒鑌發言，但卻不知怎樣被叫停，「當時曾主席問咗兩次仲有冇人發言，個樣好疑惑，我估主席應該知建制派名單入面，仲有人未講，唔明點解忽然俾人叫停」，究竟是誰叫停？是否也是葉國謙？更離奇是，葉曾與民建聯前主席譚耀宗商討，兩人並未確定所有建制派已答應合作離場，「起碼自由黨就冇答應過一定會起身」，若單是葉一個人「漏招」還說得通，為何連譚如此老江湖，也會支持拉隊離場？該政界人士笑言，若果不是有「陰謀」，「就係有人見到之前一日，以為壓住泛民打，贏到鬆毛鬆翼，結果好似田少話蠢到隻豬咁，自己中咗自己招」。

季陶
周一至周五刊出